भारतलाई २–० ले पराजित गर्दै अफगानिस्तान साफ च्याम्पियन

२६ भदौ, काठमाडौं । भारतलाई पराजित गर्दै अफगानिस्तान साफ च्याम्पियनसिप फुटबलको नयाँ च्याम्पियन बनेको छ । बुधबार साँझ भएको फाइनल भिडन्तमा अफगानिस्तानले २–० को जित निकाल्दै उपाधि मात्र जितेन, सातौं संकरणमा उपाधि भिडन्तमा ५ पटकको विजेता भारतसँग व्यहोरेको हारको बदला समेत लिएको छ । सन् २००२ पछि फुटबलमा फकिर्एको अफगानिस्तानले फुटबलमा हात पारेको यो ठूलो सफलतापनि हो ।
अफगानिस्तानको जितमा गोलरक्षक मन्सुरको उत्कृष्ट प्रदर्शनको महत्वपूर्ण रहर्‍यो । जर्मनबाट व्यवसायिक फुटबल खेल्ने उनले भारतका थुप्रै प्रहार बताएका थिए । सेमिफाइनलमा नेपाललाई हराउने क्रममा उनले रोहित चन्दको दुई पेनाल्टी रोकेका थिए ।
साफको उपाधि जितेपछि अफगानिस्तान सरकारले सबै खेलाडीलाई अपार्टमेन्ट दिने घोषणा गरेको छ भने अजीज बैंकले फुटबल टोलीलाई २० हजार अमेरिकी डलर दिने घोषणा गरेको छ ।
नेपाल फेयर प्ले टिम, रविन मोस्ट भ्यालुएवल प्लेयर

प्रतियोगितामा नेपाल फेयर प्ले टिम घोषित भएको छ । यस्तै नेपाली टोलीका रविन श्रेष्ठ मोस्ट भ्यालुएवल प्लेयर घोषित भएका छन् । उनले मोटरसाइकल पाएका छन् । सेमिफाइनलमा पुगेको नेपाल र माल्दिभ्सले समान १०–१० हजार अमेरिकी डलर पाएका छन् ।
यस्तै माल्दिभ्सका अली अस्फाक सर्वाधिक गोल कर्ता घोषित भए । उनले दोहोरो ह्याट्रिकसहित १० गोल गरेका थिए । यस्तै मोस्ट भ्यालुएवल प्लेयर अफ दि इयर अफगान गोलरक्षक मन्सुर घोषित भए ।साभार : अनलाईन खबर