वरिष्ठ स्वर्गिय सृष्ठा गोपाल योञ्जनको स्मृति सभामा बालकृष्ण र सागरको ‘मनको आशा’ विमोचित

विशाल सम्वाददाता 
काठमाडौ । स्वर्गिय वरिष्ठ सृष्ठा गायक, गितकार तथा संगितकार गोपाल योञ्जनको १६ औ स्मृति सभामा शनिवार सुम्निमा कल्चर एकेडेमि ललितपुरमा बालकृष्ण सुब्बा र सागर राई संसारको मनको आशा नामक आधुनिक गिति संग्रह विमोचित भएको छ । कार्यक्रमका प्रमुख अतिथि दिप श्रेष्ठ र विशिष्ठ अतिथि संगितकार शान्तिराम राईले सामुहिक रुपमा एल्वमको विमोचन गरेका थिए ।

सुम्निमा कल्चर एकेडेमिको आयोजनामा आयोजिक स्मृति सभा कार्यक्रममा बोल्दै संगितकार शान्तिराम राईले एल्वम मनको आशाको बारेमा समिक्षात्मक टिप्पणि राखेका थिए । एल्वमको बारेमा बोल्दै संगितकार शान्तिराम राईले भने :– ‘एल्वमका गितहरु सुन्दा कुनै नव कलाकारको स्वर सुने जस्तो लाग्दैन । गितमा रहेको नोटहरु सुन्दा लाग्छ परिपक्क स्वर भएको स्थापित कलाकारले गायको गित जस्तो लाग्छ ।’ संगितकार राईले दुई गायकदयहरु बालकृष्ण र सागरलाई सुभकामणा प्रदान गर्दै, सुम्निमा कल्चर एकेडेमिको सम्पुर्ण संगितका विद्यार्थिहरुकै सफल्ता भएको बताए । भने :– मनको आसा एल्वम व्यावसायिक संगै नया किसिमको बनेकाले दर्शक श्रोताहरुमा लोकप्रिय हुनेमा कुनै शंका छैन । त्यस्तै कार्यक्रमका प्रमुख अतिथि दिप श्रेष्ठले दुबै गायकहरुलाई सुभकामना प्रदान गरे । पछिल्लो पुस्ताका सम्भावना बोकेका कलाकारको रुपमा लिएको छु श्रेष्ठले टिप्पणि गरे । एल्वमका दुबै कलाकारहरु बालकृष्ण सुब्बा र सागर राई संसार सुम्निामा कल्चर एकेडेमिका विद्यार्थिहरु हुन् ।
एल्वम विमोचन कार्यक्रममा बोल्दै गायक सागर राई संसारले म्युजिकमा नया किसिमले दर्शक श्रोताहरुलाई मनोरञ्जन दिने उद्धेश्यले एल्वम मनको आसा ल्याएको बताए । गायक सागरकै भनाईमा अर्का गायक बालकृष्णले सहमति जनाउदै संगित भनेको फलामको चिउरा चपानु सरह भएको बताए । भने :–साङ्गितिक क्षेत्रमा लागेको करिव ९ वर्षपछि मात्र एल्वम ल्याउनको पाएकोमा खुसि छु । क्लासिक रुपमा धेरै अध्ययनपछि मात्र एल्वम ल्याउन सकेको सुब्बाले अतितलाई ब्युझ्याए । गायक सुब्बा २०६९ को सुम्निमा आईडलको फस्ट रनरअपपनि हुन् । दुबै गायकहरुले मण्डल साङपाङ र कैलास साङ्पाङसंग म्युकिको विद्यार्थि हुन् ।
ओपेरा म्युजिकको प्रस्तुतिमा बजारमा आएको एल्वममा पाच गित समावेश गरिएको छ । धेरै बाच्नु छैन मलाई बोलको गितलाई गायक बालकृष्ण सुब्बाले गायका छन् भने मण्डल साङ्पाङको संगित तथा राम बस्नेतको शब्द रहेको छ । त्यस्तै कता कता देखे जस्तो बोलको गितलाई गायक सागर राई संसारले गायका छन् भने विजय अश्मिन राईको संगित तथा गोपालचन्द्र राईको शब्द रहेको छ । त्यस्तै तर्कितर्कि बोलको गितलाई बालकृष्णले गायका छन् भने मण्डलकै शब्द संगित रहेको छ । मनको कुरालाई सागरले गायका छन् भने राजन लिम्वुको शब्द तथा संगित रहेको छ। हिङलेमाल्ले बोलको गितलाई बालकृष्णले गायका छन्, भने बालकृष्णकै संगित रहेको छ भने यादन शेर्माको शब्द रहेको छ ।