विशाल चौतारी समाचार 

काठमाडौं, चैत ३० । हास्य अभिनेता हरिबंश आचार्य राम्रा गायकपनि हुन् । उनकै स्वरमा रहेको नयाँ गीत सार्वजनिक भएको छ । केही दिन अगाडी मात्रै ‘खोक्रो सारङगी’ नामक गीत सार्वजनिक भएको हो ।

हास्य अभिनेता हरिबंशको स्वर रहेको गीतमा गायक, तथा शब्द संकलक प्रेमराजा महतको संगीत र शब्द सुन्न सकिन्छ । गत शुक्रवार मात्र रिलिज भएको भिडियोलाई आज आइतवार छ बजे सम्म युटुवमा हेर्नेको संख्या ५६ हजार भन्दा बढि रहेको छ । भिडियोमा हरिवंश आचार्य, रुविन गन्दर्भ, लक्षता कुसाङगीलगायतको अभिनय रहेको छ । म्युजिक भिडियोमा देशको जल्दोबल्दो परिस्थितिलाई ब्यंग्य गर्न खोजिएको छ । सारङगीको धुनमा गाइएको गीतको भिडियो राजधानीका अधिकांश सांस्कृतिक स्थलहरुमा छायांङकन गरिएको छ । संगीत संयोजन जीवित जल्मीले गरेका हुन् । भिडियो हेर्न यहा क्लिक गर्नुहोला ।