प्रचण्ड पुत्र प्रकाशकी प्रेमिका बिना कन्चनपुरबाट सिफारिस

३० भदौ कञ्चनपुर । एमाओवादी अध्यक्ष पुष्पकमल दाहाल प्रचण्डका छोरा प्रकाशकी प्रेमिका तथा अखिल क्रान्तिकारी केन्द्रिय सचिव बीना थापामगर संविधानसभा सदस्यका लागि कञ्चनपुरबाट सिफारिस भएकी छन् । मगरलाई कञ्चनपुर निर्वाचन क्षेत्र नम्बर १ बाट सिफारिस गरिएको छ ।
माओवादीले गत साउनमा जनसम्बन्ध अभियान चलाउन संकलित नामावलीमा मगरको नाम गोप्य राखेको थियो । अभियानबाट संकलित नामावली हेरफेर गरी तीन दिन अघि केन्द्रिय समितिमा ६ जनाको नाम सिफारिस गरिएको हो । माओवादीका जिल्ला इन्चार्ज खड्क बस्नेतसहित अजबसिंह राना, गगन सिंह, पार्वती दुलाल, पुरन राना र बीना मगर छन् । यसअघि माओवादी थारुवान राज्य समिति सचिवालय सदस्य सिंह क्षेत्र नम्बर ४ बाट उम्मेदवारीको सूचीमा छनोटमा परेका थिए ।