विशाल चौतारी समाचार
काठमाडौ, २१ माघ । नेपाली चलचित्र क्षेत्रमा महा अभिनेत्रीकै रुपमा उभिएकी अभिनेत्री करिष्मा मानन्धर हिजो माघ २१ गते फेब्रुअरी ४ तारिखका दिनदेखी एक वर्ष बुढी भएकी छिन् । अभिनेत्री मानन्धरको हिजो ४४ औँ जन्मदिन परेको थियो ।
अभिनेत्री मान्धरले १९८९ मा चलचित्र ‘सन्तान’बाट डेब्यु गरीसकेपछी नेपाली चलचित्र क्षेत्रलाई पछाडी फर्किएर हेर्न परेन । सो चलचित्रमा अभिनेता भुवन केसीका साथमा पहिलो चोटि देखिएकी अभिनेत्री मानन्धरले पहिलो सिनेमामै राम्रो अभिनय गरेपछि पति निर्माता बिनोद मानन्धरको चलचित्र ‘मायालु’मा काम गर्ने अवसर मिल्यो । सोहि चलचित्रकै सुटिङकै क्रममा यि दुए जोडीको सम्वन्ध अगाडी बढेको बताइन्छ । बिनोदको चलचित्र गर्न भन्दा पहिला पनि एक हिन्दी चलचित्र ‘दङ्गा फसाद’मा समेत काम गरीसकेपछि अभिनेत्री करिष्मा मानन्धरले त्यस चलचित्रपछी ‘ट्रक ड्राइभर’, ‘भाउजु’, ‘रणभुमी’, ‘बसन्ती’, ‘ढुकढुकी’, ‘पन्छि’, ‘बाबु साहेब’ लगायत अन्य धेरै चलचित्रहरु सुपरहिट चलचित्रहरुमा काम गरेकी छिन् ।