Hema Shrestha Hasiya nepali movie Rajesh Hamal & rajesh payal rai
विशाल चौतारी समाचार
काठमाडौं, ९ चैत । म्युजिक भिडियोमा निकै राम्रा मानिएका निर्देशन मिलन चाम्सले पहिलो चोटी निर्देशन गरेको चलचित्र ‘ हसियाँ’को अडियो सिडी तथा प्रोमो र एक गीत सार्वजनिक गरिएको छ ।
जेठ ९ गते प्रदर्शन हुने चलचित्र ‘हँसिया’ युनिटले आइतवार राजधानिमा एक कार्यक्रमको आयोजना गरी अडियो सिडी तथा प्रोमो र चलचित्रको एक आइटम गीत ‘आजको रातमा’ सार्वजनिक गरिएको हो ।
अभिनेत्री हेमा चलचित्र ‘हसियाँ’मा १ सय ३७ जना फाइटरसँग फाइट खेलेको बताइएको छ । नव अभिनेत्री हेमाको फाइटले हेर्दा लाग्छ, तमिल सिनेमालाई टक्कर दिने किसिमको रहेको छ । सार्वजनिक कार्यक्रममा बोल्दै महा अभिनेता राजेश हमालले चलचित्रकी नव अभिनेत्री हेमा श्रेष्ठको प्रसंसा गरेका छन् । अभिनेता हमालले भने, ‘हेमाजी एक्सनमा निक्कै पोख्त हुनुहुँदो रहेछ । उहाँले चलचित्र ‘हँसिया’मा निकै राम्रो काम गर्नुभएको छ, हमालले बताए ।’ त्यस्तै निकै लामो समय नेपाली चलचित्र क्षेत्रमा एकअर्काका परिपुरक बन्दै आएका मित ज्यु मध्येका चर्चित गायक राइ इज किङ राजेश पायल राईलेपनि अभिनेत्री हेमाको तारिफ गरेका थिए । आफ्नो म्युजिक भिडियोमा समेत लिइसकेका गायक राजेश पायलले अभिनय राम्रो भएका कलाकारहरु यस चलचित्रमा भएका कारण चलचित्र राम्रो बनेको आसा व्याक्त गरे । चलचित्रमा गायक राजेशकै स्वर रहेको छ ।
त्यस्तै कार्यक्रममा सबैको तारीफ पाएर उत्साहित मुद्रामा रहेकी अभिनेत्री हेमाले आफ्नो मेहनत खेर नजानेमा आफु अहिले विश्वस्त रहेको बताइन् । उनले भनिन्, ‘सुरुमा चलचित्रको कथा सुन्दा गर्न सक्छु र ? भन्ने लागेको थियो । तर, सबैजनाको हौसलाले काम गर्न सकें, अभिनेत्री हेमाले बताइन् । त्यस्तै चलचित्रका निर्देशक मिलन चाम्सले सिनेमा ‘हँसिया’ फरक किसिमको चलचित्र रहेको बताए । ९३ दिन लगाएर चलचित्रको छायाँकन गरेका निर्देशक चाम्सले भने, ‘यो नारी प्रधान चलचित्र हो । नेपाली समाजमा विद्यमान हत्याहिसांको विरुद्ध कसरी लाग्नुपर्छ, भन्ने कथालाई बोकेको चलचित्र हसियाँ, नारी पात्रको प्रतिनिधित्व गराउदै पुर्ण रुपमा एक्सन र सस्पेन्स चलचित्र रहेको छ । चलचित्रलाई राम्रो बनाउन हामीले कुनै पनि कुरामा कम्प्रोमाइज गरेका छैनौं, निर्देशक चाम्सले बताए ।’
दुर्गा घलेको लगानी रहेको चलचित्रको कुल लागत एक करोड भन्दा बढि रहेको निर्माण युनिटको भनाइ रहेको छ । कल्याण सिंहको संगीत रहेको चलचित्रमा चार गीत समावेश छन् । यी गीतहरुमा राजेश पायल राई र सिवानी मोक्तानको स्वर छ । ‘हँसिया’की शिर्ष पात्र हेमासँगै अभिनेत्री प्रियंका कार्कीको समेत आइटम नृत्य रहेको चलचित्रमा रेनशा वान्तवा राईले नृत्य निर्देशन गरेकी छिन् । चलचित्रमा हेमा र राजेशसँगै म्यानहन्ट इन्टरनेशल बिजेता अनुप बिक्रम शाहीको पनि मुख्य भूमिका रहेको छ । चलचित्र ‘हँसिया’लाई यही अप्रिल २७ तारिखमा हङकङ र अप्रिल २८ तारिखमा लण्डनमा रेड कार्पेट प्रिमियर शो आयोजना गरिने निर्देशक मिलनको योजना रहेको छ । एक्सन प्रेमी दर्शकलाई हलसम्म तान्ने आशा गरिएको चलचित्र ‘हँसिया’को वितरण दर्शना आर्टस्ले गर्दैछ ।
ट्रेलर हेर्न यहा क्लिक गर्नुहोला ।