सुदुरपश्चिमाञ्चलमा दुई सातामा चोरीका ३१ मोटरसाइकल बरामद

४ आश्विन, धनगडि । सुदुरपश्चिमाञ्चल क्षेत्रीय ट्राफिक प्रहरीले दुई सातामा ३१ वटा चोरीका मोटरसाइकल बरामद गरेको छ । सुदूरपश्चिमका विभिन्न ठाउँबाट उक्त चोरीका मोटरसाइकल बरामद गरेको सुदूरपश्चिमाञ्चल क्षेत्रीय ट्राफिक प्रहरी कार्यालय अत्तरियाले जनाएको छ ।
खुला सीमाका कारण र ग्रामीण भेगमा ट्राफिक प्रहरीको उपस्थिति नहुँदा चोरीका मोटरसाइकल खरिदबिक्रिका साथै प्रयोग गर्नेको बिगबिगी रहेको ट्राफिक प्रहरी क्षेत्रीय कार्यालय अत्तरियाले जनाएको छ । संविधानसभा सदस्य निर्वाचन र ट्राफिक व्यवस्थापन गर्न चोरीका सवारीसाधन नियन्त्रणमा लिने र अन्य सवारीसाधनलाई व्यवस्थित गर्न कार्यालयबाट विभिन्न कामकारवाही थालिएको प्रहरी उपरीक्षक बस्यालले बताए । बरामद गरिएका चोरी मोटरसाइकलको मूल्यांकन गरी केही दिनभित्रै लिलाम बिक्री लागि कैलाली भन्सार कार्यालयलाई बुझाइने बस्यालले बताए ।