१२ कात्तिक, काठमाडौं । मिसेस ग्लोबमा नेपालको प्रतिनिधित्व गरेकी रजनी थापाले ‘मिस फिलान्थ्रोपी’ उपाधि जितेकी छिन् । सोमबार चीनको सेन्जेनमा भएको ‘मिसेस ग्लोब’ मा ६३ देशका प्रतिनिधिहरुले भाग लिएका थिए ।

मिसेज नेपालको दोस्रो संस्करणकी विजेता २६ वर्षे थापाले पहिलोपटक नेपालको प्रतिनिधित्व गरेकी हुन् । प्रतियोगिताको यो १८ औं संस्करण हो । कार्यक्रममा उनले ‘मै राम्री हुन’ बोलको गीतमा नृत्य प्रस्तुत गरेकी थिइन्। उनी रक्षा नेपालकी सद्भावनादूत समेत हुन् । मिसेज नेपालको आयोजना इप्लानेटले गरेको थियो । नेपालको प्रतिनिधित्व गरेर पहिलोपटक प्रतियोगितामा सहभागी भएर अवार्ड जित्नु गौरवको कुरा हो,” इप्लानेटका सन्तोष सापकोटाले नागरिकलाई बताएका छन् ।